دي نكات خاصة لاحلي اعضاء ولو ماضحكتو أسألوني

واحد مجنون شديد بي ود الأمين ، يوم قابله ماشي الجامع يصلي فتابعه
اقاموا الصلاة وقف وراه .. الامام قال ولا الضالين .. ود الامين قال آمين بصوتو العجيب داك ، صاحبنا الوراه بدون ما يشعر قال آآآآخ انا منك يا ود الأمين
/////////////////////////////
واحد شايقي بيحب أكل البيت .. وبياكل براهو .. يوم جاب ليهو سمك .. ولدو سألو ده شنو يا أبوي ؟ الأبو قال ليهو ده موز .. الولد قال ليهو ده سمك يا أبوي .. الأبو قال لولدو آآي لكن فيهو شوك
الولد قال ليهو ما مشكلة بلبس سفنجة.
////////////////////////////
موزة اتشاكلت مع بصلة قالت ليها ااف ريحتك عفنة
قالت ليها البصلة احسن من البيعروها وهى ساكتة
////////////////////////////
واحد سطلنجي سافر الصين وهناك اشتغل سواق تاكسي
كل ما يقيف لي واحد يقول ليهو أنا هسي قبل شوية ما نزلتك
///////////////////////////
مسطول سالوه : أسمع يا أبو الشباب .. المسطرة الطويلة البشيلوها ناس الجامعات دي شنو؟؟؟
قال ليهم: أظنو دا سيف الجامعة البقولو عليهو
///////////////////////////
مسطول عازم صاحبو لكن مفلس.. اضطر يسرق عتوت جارو
ضربوا الشيه مظبوط .. قام صاحبو ضميرو صحا وقال لي أخونا : ياخي هسي يوم القيامه حا يجيبوك أنت وأنا والعتوت وصاحب العتوت !!
قام أخينا قال ليهو: طيب والمشكله شنو .. ما يشيل عتوتو ويمشي
//////////////////////////
شافع جا داخل البيت وهو بيبكي قامت حبوبتو سألتو ... بتبكي مالك يا ولد الدقاك منو .. قال ليها: دقاني استاذ الجغرافيا ... قالت ليهو: دقاك ليه؟
قال ليها سألني منو الحفر قناة السويس وأنا قلت ليهو ما عارف ! ... قالت ليهو: بركه الدقاك والله تلقاك حفرتها انت يا مقصوف الرقبة
////////////////////////
حنكوش مشى الجنوب يجاهد
مصنقر في الخندق ..
تعب شوية طلع رقبته يعاين
جات جرادة طايرة خبطتو في عينو
صاحبنا صرخ ... مامييييي .. الحقيني .....


انا استشهدت
///////////////////////
اخته الحنكوشة اول مرة تشوف التيس .. نادت اخوها
حمادة ما يفوتك تعال شوف ختيب الغنماية
//////////////////////
انا طبعا من سكان امتداد ناصر على الردمية
مرة مرة بنشاغل اصحابنا على الطرف التاني من الشارع ( الرياض )
واحد من اولاد الرياض امه حمته ولبسته وادته ايس كريم وقالت ليهو يلا امشي العب قدام البيت
جا واحد شليق وشفت من اولاد ناصر خطف الآيس كريم وجري

الولد اتفقع من البكا .. امو قالت ليهو يا ولد مالك
قال ليها مامي الغنماية خطفت مني الآيس كريم
//////////////////////
نفس الحنكوشة اخت حمادة
سألوها فى معسكر الخدمة الوطنية
لو العدو وقف قدامك بتعملى شنو ؟
قالت برمى السلاح فى وشو واقول له ... بكرهك .. بكرهك
//////////////////////////
نواصل مع الحناكيش
الشباب بتكلموا عن الرجالة والشجاعة
حمادة عمل مداخلة وقال ليهم :
اليومة ديك انا كنت ماشي مع حنان اختي وعادل ختيبا
لاقتنا غنماية ولا عملت لينا حاجة
////////////////////////
حنكوشين عاوزين يتدربوا كارتيه
اول درس كان كسر البسكويت واحد مسك البسكويتة والتاني ضربا بيدو وبكى
سالوهو مالك يا هاني ؟
قال ليهم رامي غشاني خلاني اضرب البسكويت المحشي
//////////////////////
جنوبي بيتونس مع صاحبو
قال تعرف يا جون اولاد مندكورو ديل حناكيش خلاص صاحبو قال ليه كيف؟
قال تعرف ولد بتاع شمال ما يجي البيت الساعه 12 اهلو يعملوا موضوع يضربوا لخال بتاع هو يعملوا اعلان في التلفزيون وفي الجرايد و في الراديو ويحدثوا بوليس .. ما ممكن
قال انتا عارف يا جون انا لي 10 سنه من جنوب جيت داخل البيت امي قالت لي ولد يومين ديل انتا وين.
////////////////////
أدروب سأل مسطول : عيد الضحية .... الخروف نضبح
عيد الحب دا شنو؟؟ فقال المسطول : الخروف نجـكّس !!
//////////////////////
قالوا ايام الجنوب والحرب مدورة
الكيزان فتحوا ليههم مدينة من المدن الكتاااااار الدرشوا ليك فيها ناس الحركة

اها في ساحات الفدا جابو ليك واحد بتكلم عن المعجرة
قال والحرب مدورة نحن تعبنا وجعنا ومؤنتنا كلمت
فقام نزل لينا من السماء دقيق اكلناه وواصلنا حربنا وانتصرنا

ادروب كان بحضر في ساحات الفداء
وادروب مخزنجي حارس ليه مخزن بتاع دقيق
قام من درربة مشى على المخزن وباع كل الفيه وختاه في جيبه
تاني يوم جا المسئول والمسئول طبعا كوز
فقام سال ادروب يا ادروب الدقيق وينو ؟

ادروب قال ليه
والله امبارح الملايكة تنقل في الدقيق وتوديه الجنوب
///////////////////////////////////
مسطول ودوه يقرا في الخلوه
اخراليوم سألوه ادوكم شنو
قال ليهم الفكى زاتو ما عارف ادانا شنو
مره يقول القارعة ومره يقول ما القارعة
////////////////////////////////
بايره سطلت شديد قامت سألت صاحبتا : يا أختي عدم العرس وعرفنا سببو !!!
لكن عدم الولاده ده من شنو ؟؟؟
///////////////////////////
مسطول نصة نهار الخرطوم الما خمج داك
قال السخانة الايام دي بالغت
تفتح الباب تلقى الشارع قاعد في الضل
//////////////////////////
اثنين مساطيل ساكنين مع بعض مشو يسطلوا جنب البحر
جات مطرة تقيلة ... قالوا يرجعوا البيت
لما وصلوا البيت فتشوا المفتاح ما لقوه وكانت المطرة رمت الحيطه بس فاضل الباب واقف
واحد بيقول للتاني
هسع بالله حيطة الجن دي كان واقفة ما كنا نطينا بيها
/////////////////////////////
رباطابى قال لى ولدو يا ولد امش جيب لي مويه الولد مشى اتاخر .. الابو كورك ليهو يا ولد انا ما قلت ليك ناولنى مويه
قال ليه والله يا ابوى لقيت الكوز ما فيه يد .. الاب قال ليه انا قتليك داير اسالمو
///////////////////////////
ميك****ي مسطول شايلين جنازة ابوه
واحد قال ليهو ابوك ده مالو تقيل كدا
رد عليه المسطول : يكون مات معشق
//////////////////////
واحد ولدوحصل ليه تسمم وداه لي الدكتور
قاليهو الولد شرب ليهو لبن فاسد
ابو قال: اي والله امو كانت مافي ورضعتو حبوبتو
//////////////////////////
دبيب عمل كشف نظر .. ركب نضارة .. لقى نفسو خمسة سنين .. حابى ليهو خرطوش
///////////////////////////
اقاوم ريدي بالاسمنت
واشيلك في سطوح الحب
وحبل الريدة سيخة طويلة ما بتنهز
وبيم الحب مسلح بالحديد والشوق
ومونة اللهفة والحرمان
طوابق قلبي كلها ليك

(مهندس مسطول يعبر عن مشاعره)
/////////////////////////////
واحده وصفوا ليها دواء بيرجع السن لوراء حسب الجرعه
جابت ليك الدواء وجغمت ليها زي جغمتين كده بقت حلاااتا كم وعشرين كده
اها ولدها جا من السفر وكان ليهو سنين من البلد أول ما فتحت ليهو الباب انهجم قال ليها انتي منو ؟
قالت ليهو انا أمك يا ولد لكن شربت الدواء ده .. ووو..... شرحت ليهو .. قال ليها طيب ده منو الشايله في صفحتك ده؟
قالت ليهو ده أبوك لكن نتح الفتيل كلو
ادروب طالع مظاهرات في الشرق. ويطالب بتغير مدير هيئة الموانئ البحريه.ويقول ما دايرين الفاضلابي في وسط السوق. لموا ليك فيو ناس الأمن يومين من العذاب.لمن دير يفكوا سالوه.يازول انت ما داير الفاضلابي .قاليهم والله لو داير تجيب الفاضل سعيد جيب
////////////////////////
مجنون هارب من المستشفى وفتح صالون حلاقة وجاهو واحد تعيس الحظ عشان يحلق
المجنون ساله..عايز اضانك اليمين؟؟صاحبنا ضحك وقال لا
قام قطعها ورماها فى الشارع,وبعد داك ساله تانى اضانك التانية عايزها,رد بخوف ايوة يا اخى
قام قطعها واداها ليهو فى ايدو
//////////////////////////
ايام الفيضان الناس ليل ونهار متابعين البحر
جماعة بيسكروا بالليل جنب البحر
الوالي جاء وقف عربيته من بعيد كورك ليهم: الوضع كيف ياجماعه في زيادة
قالوا ليه: تعال الزيادة جايه
////////////////
المرحوم عوض دكام مرة كان بتكلم مع حامد بريمة
قال ليهو والله تعرف يا حامد يا أخوي انت كان ما كورتك دي
وانا كان ما طبي ده كان حسع مكاوينا تتطاقش
////////////////////
مسطول ابوه مات
ما شاء الله 3 ايام الناس كاسرة على البكا
رابع يوم جاب لافتة كتب فيها
لليوم الرابع وبنجاح ساحق
////////////////////
مسطول دخل عليه
عزرايل قال ليه انا ملك الموت
المسطول قال ليه خلعتنا ياخى
انا قايلك مباحث
////////////////////////
مستهبل اتزوج مستهبلة
ولدو ولد عمل نفسه ميت
///////////////////////
ياسر عرفات مشى الجنة لقى اسمو مافي
راح للنار برضو اسمو مافي
وقف في النص محتار .. لغاية ما لقاه فلسطيني معرفة
قال ليهو تعال يا ابو عمار اوريك مخيمات الفلسطينيين
////////////////////////////////
مسطول وقع في خلاط اسمنت
بعد كم ساعة طلع
قال الله يلعن ابو البدخل الملاهي تاني
//////////////////////////
اصلع مشى لدكتور مسطول وقال ليهو دكتور ما عندك دوا للصلع ؟
الدكتور قال ليهو بسيطة ربي حواجبك وسرح لي ورا
//////////////////////////
بقرة تزوجت حمار ..
الصباح صحته من النوم وقالت ليهو صباح الخير يا احلى حمار
الحمار قال ليها خلاص بدينا بالغلط من اول يوم
///////////////////////
صرصور دخل السينما وشاف دعاية بف باف .. قال اها من بدايتها رعب
///////////////////////////
واحد من اهلنا اهل العوض
قال لزوجته الحنكوشة حناكل شنو الليلة
قالت ليهو عاملة رجيم
قال ليها والله ما اختو في سني

يوم اتشكل معاها ..
عاوزة تصالحو ..
قالت ليهو اعمل ليك مساج
قال ليها لا متعشي برة
///////////////////////////
غبي قالو ليهو الحق مرتك بتخونك في المزرعة مع صاحبك
جرى .. وبعد فترة رحع
قال الملاعين ديل شجرتين عملوهم مزرعة
وبعدين الراجل طلع لا صاحبي ولا بعرفو

################

يوم مشى يشيل فاتحة في الحلة
قال لاهل الميت .. يعني مافي اي امل !!!

################

لما أهله عرسو ليهو
الصباح قال لأمو: يمه خليها تبيت معانا الليلة برضو
///////////////////////////
شيوعي اعتقلوه ناس الامن
دايرين يعذبوه
ادوه ورقه مكتوب عليها من الجهتين (اقلب الصفحة)
///////////////////////
برميل سأل صاحبه : وين ما شايفنك
قال ليهو والله ما فاضي
///////////////////////مسطول عطس ..
صاحبه اتثاءب ..
قال ليهو ما تغير الموضوع
////////////////////////
بوش انفجرت الزايدة الدودية بتاعته

اتهم بن لادن
////////////////////////
مسطول قال لى صاحبه المسطول امس شايف مرتك
مارقة من بيت المهندس جارنا العزابى
رد عليه قال ها .. ده ما مهندس ولا حاجة
فاكيها فى روحو ساكت
///////////////////////////
مسطول ساق حبوبتو مدرسة بنات المدير سألو عايز تسجلها قاليهو لا عايز افكها
//////////////////////////
واحد ماعنده الا ضرسين قدم على وظيفه عينوه خرامه
///////////////////////////
شايقي راكب حمار شاف بت رباطابية حلوة شديد قال ليها: أول مرة اشوف رباطابية حلوه كده..
قالت ليهو: اول مرة اشوف حمار طابقين
///////////////////////////
واحد مسطول راجع البيت متأخر قعد يخبط الباب مرته قالتله ارجع مطرح ما كنت
راح شايت صفيحة ال**الة خبطت في الباب ورجعت قطعت اضانه
قام جاط وخبط الباب زيادة ، قالتلو برضو ما حافتح ليك
راح شايت الصفيحة تاني خبطت في الباب ورجعت قطعت أضانه التانية
صرخ وقال ليها افتحي يا ولية الصفيحة حا تكتلني
//////////////////////////
جون قرنق بعد مات شاف حاجة جايا عليهو
فقام قال : قلت لي منو إنت سلفا كير ولا منو
جاهو الرد : سلفا كير مين .. قلت ليك نكيييييييييييييييييييييير
///////////////////////
حنكوش ابوه جاب ليهو شريط اسلامي عشان يشد حيلو شوية
تاني يوم الابو رجع البيت لقى ولدو متحجب

god baby